Siamsinpawlpi Tuivai Block in 2017-2019 term sung a sepsuah leh bawl ding tampi ki guang te lak a khat siamsin tour 2019 neih ding chi a dated Decem-ber 9, 2019 in bandh ziak in tup leh ngim na mun leh mual tan ki-siik thei kei mah leh Lamka leh aseh vel amun poimoh tuamtuam te ki pha thei a tour pro-gramme neih zoh in om hi 

Dated December 7, 2019 in block huam sung a sinlai te leh heutu bang zah hiam pickup dimlet zen in mi 50 val bang in Lamka hon ki zuan thei a buaina haksatna thupi lua om lou in Lamka vangkhua hong ki tungtou thei hi 

Plan and Programme a omsa bang in dated December 9 a Manipur khopi Imphal a mun poi moh tuamtuam sinlai te’n a siamsinna ua a sin khak te uh amit ua mu a phattuamna leh theihsiamna tampi neih zawk nang uh chih lunggel in kipai sawm a, hi-mah leh vangsiathuai tak in bandh hong om phut ziak in Lamka leh aseh vel a mun poi moh tuamtuam 

1. Sharon park 

2. Victor rest farm 

3. Gelzang resort 

4. Tribal martyrs park 

5. Mata dam 

Hiai bang teng etna ki nei in kua peuh hiai a tel kha te’n nuam ki sa in kipak vek a muh ahih ban ah dated December 10 in kholam chiat ki zuan nawn hi. 

Sin in sem in zuun in

Apaisa nisim December 6, 2019 sintawpni in Sspp Complex Bungmual akipan in Siamsinpawlpi General Headquarters, Election Commission te’ makaihna in SSPP GHQ a Executive Member khenkhat toh zodawn lam a SSPP Block Presidential Election nei dingin kuan khia uhi. 

Hiai hun a Election Commission aki-pan in N. Nengzasuan, V. Chink-henpau, Nengzalian Tonsing General Headquarters akipan Gin Lalsiam Munsong, Thangbiaklal Ngaihte, V. Ginkhanpau Leh Siamsinpawlpi Joint Headquarters Lamka President Pu S. Lamkhankhual te tel uhi. Amau Lamka akipan Guite Road tawn in Singngat Block, Suangdoh Block te veh tou masa in, Lungthul ah, Lungthul Block President Election leng nei tou ngal uhi.

Huai hun ah Lungthul Block President dingin K. Doukhankhup in a ki khinpih 9/2 a zou in 2019-2021 Lungthul Block President dingin telching ahi. Huaizoh in Mualnuam khua ah Tuivai Block President Election leng neisak ngal ua, hiai hun ah Tuivai Block President 2019-2021 dingin Pauthansang Valte of Mualnuam telchingin om hi. Aman a kikhinpih 9/7 in zou hi. Sinzawl Block President Election dated De-cember 7, 2019 kiginni zinglam dak 8:30 in neih in om nawn a, Sinzawl Block Block President dingin Htp. K. Thuamthanmawi in a kikhin pih 9/5 a zou in President SSPP Sinzawl Block 2019-2021 dingin telching ahi. Thanlon Block President Election December 7, 2019 nitaklam dak 1:30 in Thanlon Community Hall a neih hi nawn a, SSPP President Election 2019-2021 siangthoutak a zoh ahihtoh kiton in Htp. H.Ginmuansiam s/o H. Khamsing of Thanlon Un-contest in telching ahi. 

Atung a Block 4 te Presidential Election neih zoh in GHQ a makai te Lamka lam zuan in Tipaimukh road tawn in Lamka hongtung uhi. Hiai block Pres-idential Election aneih kawmkawm un General Headquarters Heutute aki-pan motivation speech leh thilpiak tuamtuam inleng zui zel hi. 

CDS Infotech, Lamka mun ah NTA - UGC CSIR NET/JRF & leh SSC-SI/CPO Exam om thei ta ding

National Testing Agency (NTA) in UGC leh CSIR nuai a Junior Research Fellowship leh Assistant Professor hih theihna dia Computer Based Test (CBT) mode Test, nisim 5th & 15th December 2019 a om ding ah, LAMKA khua a Exam Centre khat ding in CDS Infotech, Lamka mun leng tel kha ahihdan Pu Lianzamung Tonsing @ Mumung Tonsing, President Community Development Society a pan thutut kiza hi.

Huai zom in, SSC-SI/CPO Exam hun seh nisim 9th, 11th & 12th ni te ah leng CDS Infotech, Lamka pen Exam Centre khat dia zat hilai ding dan ahi.

I gam leh nam khantouhna dia kalsuanna poimoh mahmah khat ahihna ah ZOGAM.COM in kipahpih mahmah ahi.

Map Location of CDS Infotech: https://goo.gl/maps/FfqNeWBZ7ZJ8i9ni8

Source: www.zogam.com

Hiai hun ah a thupi mahmah a hih leh siamsinte khualna in Pu G.Vungkhum in Rs.1,00,000/- (Rupees one lakh) only hon thoh khe dom hi.

Siamsin Pawlpi Fondation Trust in technical line a admission mu lah sum leh pai haksat ziak a siamsinna sunzom zoulou di din mun a om te kiang ah interest omlou in panpihna/loan kipe zel hi. Hiai loan pen sepna a muh chiang ua dit ding hi pan tel dan a hi.

Pu.G.Vungkhum Pathian in vualzawl henla, amah bang a mi phatuamngai hong ki behlap zel hen aw.

Lamka: The 10th Nov.2019: SSPP Foundation Trust Board of Governors Meeting, SSPP Complex Bungmual ah neih in om hi.

Hiai hun ah a thupi mahmah a hih leh siamsinte khualna in Pu G.Vungkhum in Rs.1,00,000/- (Rupees one lakh) only hon thoh khe dom hi.

SSPP Foundation Trust in Siamsin sponpor category anuai a bang ki bawl hi.

1. SS-CAT-I: Memorial Sponsor Rs.75000/- leh a tung lam.
2. SS-CAT-II: Diamond Sponsor Rs.60,000/-
3. SS-CAT-III: Gold Sponsor Rs.50,000/-
4. SS-CAT-IV: Onyx Sponsor Rs.30,000/-
5. SS-CAT-V: Ruby Sponsor Rs.15,000/-
6. SS-CAT-VI: Emerald Sponsor Rs.10,000/-
7. SS-CAT-VII: Sapphire Sponsor Rs.5,000/-
8. SS-CAT-VIII: Jades Sponsor Rs.3000/-

Hiai a tung a te ban ah Rs.3000/- nuai lam Rs.100/- tanpha a le chiklai peuh a pantheih gige a hi.

Sponsor tu di lunglut tam sem om in thoh siausiau leng i siamsinte haksatna nakpitak a dawn zangkhai in om ding a, tecnical line ah a tam sem in lohchinna kingah thei ding hi.

Education is the best politics.

Interaction Session on "Entrepreneurship and Sustainable Development" chih topic zanga kithuahkhawmna zannitak (07.11.19) NECTAR Hall a ki zang damtak leh lohching taka zatzoh ahihman in kipahthu igen ahi. Hiai hun a program hon makaih i heutute, Pu M.Gouzamang Guite MDC(New Lamka East), Pu C.T.Lian MDC(New Lamka West) leh Pu Golan Naulak(Regional Development Consultant-N.E.India) te tung ah kipahthu igen sawnsawn ahi.

Hiai program neih na NECTAR mun/hall ki phaltak a hon zangsak leh refreshment hon sponsor sak NECTAR Executive Director Pu Rev. S. Nengzakhup & family te tung ah leng kipahthu igen ahi.

Siamsin pih Tuailaite leh Nu leh Pa te, hiai program hong uap a hong kihel tengteng tung ah kipahthu ka hon gen uh hi. Noute lou a ki lohching lou ding ahihman in ipankhawm na te uh thupi kisa in navek ua tung ah kipahthu ka hon gen uh ahi.

Hiai program sung a hihkhelh hiam genkhelh khak hiam aom leh na ngaihdamna/theihsiamna uh ka hon ngen uhi.

~SSPP JHQ. SHILLONG

Siamsinpawlpi Residential School, Ngathal a Pawl VII sinlel Unaunu Hoihnuamching in damlouhna ziak in sisan unit 4 poimoh chih GHQ heutute apan zak ahih toh kiton in phatuam ngai leh sisan pe ut mi zonna kinei hi.

Mihinpih te it a panpih ut in mi phatuam ngai hiai a nuai a te'n November 4, 2019 ni in District Hospital ,Churachandpur ah sisan piakna nei uh hi:

1. Muanbiakjohn Samte
2. Lammuansang Tombing
3. Lamsian Ngaihte
4. Ngamkhopau

Sisan piak a om unaunu:
Name: Hoihnuamching
Omna: Thanlon
D/o : Thangliankham
Age :13years
Natna : Anaemia
H/b :4.5

Sisan piakzawh ahih in a inkuan pihte'n kipak mahmah ahihdan uh taklang in kipahthu hon gen uhi.

Kiphaltak a sisan pia te tung ah kipahna lian mahmah a maban ah leng midangte panpih theizel ding in pathian in vualzawl zel hen banah Unau nu leng pathian in ompih touzel hen chih ka thumna uh ahi.

Report petu:
V. Khamkhogin
Secretary, SSPP ccpur college branch